Prezıdent Qasym-Jomart Toqaev sheteldik zańdy tulǵalarǵa aýylsharýashylyǵy jerlerin satýǵa, jalǵa berýge tyıym salýdy tapsyrdy.

– Halqymyz úshin jer máselesi qashanda asa mańyzdy. Bul – memlekettigimizdiń berik negizi jáne qasıetti sımvoly. Qazaqtyń jeri sheteldikterge satylmaıdy dep birneshe ret aıttym. Bul máselege qatysty qaýesetterdi toqtatý qajet, – dedi ol.

Prezıdent jerdi satý jáne jalǵa berýge qatysty naqty sheshim qabyldaǵanyn aıtty.

– Sondyqtan men mynadaı naqty sheshimder qabyldadym. Birinshiden, sheteldikterge jáne sheteldik zańdy tulǵalarǵa aýylsharýashylyǵy jerlerin satýǵa, jalǵa berýge zań júzinde birjola tyıym salýdy tapsyramyn. Bul sheteldikterdiń úlesi bar zańdy tulǵalarǵa da qatysty.

Men muny prezıdenttiń zań shyǵarý bastamasy arqyly jedel túrde júzege asyrý qajet dep sheshtim. Prezıdent ákimshiligi dál osy máselege baılanysty tıisti zań jobasyn ázirleýi kerek, – dedi Toqaev.