Prezıdent Toqaev ulttyq qoǵamdyq senim keńesiniń otyrysy kezinde byltyrǵy joldaýynda úkimetke jergilikti ózin-ózi basqarýdy damytýdyń jańa tujyrymdamasyn ázirleýdi tapsyrǵanyn aıtty.
– Bul qujattyń jobasyn Reformalar jónindegi joǵary keńes aldaǵy ýaqytta qaraıtyn bolady. Aýylda, aýdanda turatyn árbir jan óziniń jáne otbasynyń bolashaǵyna ózi jaýapty ekenin sezinýge tıis. Olardyń pikiri barynsha eskerilýi kerek, – degen prezıdent aýdan ákimderin tikeleı saılaýdy 2024 jyly ótkizý kerek dep sanaıtynyn jetkizdi.
– Osy bastama elimizdi demokratıalandyrýǵa jáne jergilikti basqarý ınstıtýtyn nyǵaıtýǵa eleýli úles qosady dep senemin, – dedi ol.
Pikir qaldyrý