Nur-Sultan qalasynyń bas sanıtar dárigeri S.S. Beısenova koronavırýs ınfeksıasyn aldyn alý úshin óz qaýlysyna jańa ózgerister men tolyqtyrýlar engizdi.

Bas sanıtar dárigerdiń qaýlysynda tómendegideı talaptar bar:

• buqaralyq is-sharalardy, sondaı-aq otbasylyq, eske alý is-sharalaryn, onyń ishinde úıde (banketter, úılený toılary, mereıtoılar, eske alý jáne t.b.), mıtıńiler, sherýler, jıyndar jáne t. b. ótkizýge jáne qatysýǵa tyıym salynady;
• qyzmeti jańartylmaǵan obektilerge: bılárd, karaoke, boýlıń-ortalyqtarǵa, batýttar,kompúterlik klýbtarǵa, túngi klýbtarǵa, býkmekerlik keńseler men oıyn klýbtaryna, onyń ishinde lotereıa utystaryna, jabyq ǵımarattardaǵy oıyn alańdary men atraksıondarǵa, sporttyq obektilerde ornalasqandardy qospaǵanda, onyń ishinde  muzdy jáne rolıkti syrǵanaqtarǵa barýǵa tyıym salynady;
• qoǵamdyq oryndarǵa, onyń ishinde qalalyq qoǵamdyq kólikterge, qyzmetine ruqsat etilgen obektilerge barǵan kezde, sondaı-aq qoǵamdyq oryndarda ashyq aýada bolǵan kezde (ashyq aýada sportpen shuǵyldaný kezinde jáne 5 jasqa deıingi balalardy qospaǵanda) betperde kıý, qashyqtyqty saqtaý jáne antıseptıkterdi paıdalaný jónindegi talaptardy qatań saqtaýy tıis;
• menshik nysanyna qaramastan barlyq uıymdar, kásiporyndar qyzmetkerleriniń keminde 60% -yn qashyqtyqtan jumys isteý túrine kóshirýi qajet;
• saýda obektilerine, qyzmet kórsetý salasyndaǵy obektilerge, qoǵamdyq kólikke jáne adamdar kóp jınalýy múmkin oryndarǵa dezınfeksıalyq is-sharalardy júrgizý boıynsha jumysty kúsheıtiledi;
• qalaaralyq, oblysishilik avtobýs pen shaǵyn avtobýs tasymaldarynyń jumysyn uıymdastyrýy tıis;
• dinı birlestikter obektileriniń jumysyn (meshitter, shirkeýler, soborlar, sınagogalar jáne t. b.) jumys kúnderi jáne demalys kúnderi bir kelýshige keminde 5m²  jáne 30%-dan aspaıtyn toltyrýmen qamtamasyz ete otyryp, buqaralyq is-sharalardy (juma namazy, dinı joralar jáne t. b.) ótkizýge jáne olarda ornalasqan qoǵamdyq tamaqtandyrý obektileriniń jumysyna tyıym salynady;
• HQKO jumysyn kúsheıtilgen sanıtarıalyq-epıdemıaǵa qarsy, sanıtarıalyq-profılaktıkalyq  is-sharalardy saqtaǵan jaǵdaıda, qatań túrde aldyn ala Egov.kz, «EgovKZBot 2.0» telegram-botpen brondaý arqyly jumys jáne senbi kúnderi saǵat 09:00-den 18:00-ge deıin jumys kestesin belgileý, jeksenbi kúnderi jumysyna tyıym salýmen uıymdastyrylady.

Osy qaýly 2021 jyldyń 1 naýryzynan bastap kúshine enedi.