Musan Myrzabek atty Qytaıdan qazaq eline oralǵan qandasymyzdyń jaǵdaıy máz emes. Aqjar aýyldyq kóshi-qon komıteti qandasymyzdy sotqa beretinin eskertken.

Myrzabek qıyrdan Qazaqstanǵa 2013 jyldyń sáýir aıynda kóship kelgen.  Qandasymyz shyryldap, saýǵalar qanat tappaı bizdiń redaksıamyzǵa habarlasty.

Ol 2013 jyly 9 jasar balasymen  Qazaqstannyń Tarbaǵataı aýdany Jetiaral aýylyna kóship kelipti. Atamekenine turaqtap qalýdy kózdegen otbasynyń  2014 jyldyń sáýir aıynda Nurshýaq atty balasy ómirge  kelgen. Atalǵan  jyldyń shilde aıynda joldasy Aıtqazy Janargúldiń vıza merzimi aıaqtalǵan bolatyn.  2015  jyldyń shilde aıynda óziniń tirkeýiniń ýaqyty bitken. Endi Aqjar aýyldyq Kóshi-qon komıtetine baryp, azamattyq alý týraly ótinish bergen olardan komıetet músheleri  tirkeý ýaqytynyń bitkendigin, Qytaıǵa taǵy bir márte baryp vızasynyń ýaqytyn uzartýyn talap etken. Biraq ol Qytaıǵa baratyn qarajatynyń joqtyǵyn aıtqan.

Endigi jerde komıtet músheleri kúzge deıin kútetinin eskertken, eger talaptaryn oryndamasa sotqa bermekke umtylyp otyr.

Atamekenine oralǵan oralman aǵaıyndardy osy tıptes  jaǵdaılar saǵyn syndyryp, turlaýsyz talaptardyń tutqyna aınaldyryp bitti. "Kóshi-qon"  saıasatynyń saıasyna telmirgen oralmandardy  qańǵytýǵa deıin qaldyrǵan kerjaq komıtet endi qaýqarsyz qandasymyzdy sotqa salyp, qylmystyq is qozǵaýǵa deıin barýy -ábestik. Ne bári Qytaıdan elge oralǵanyna 2 jyl tolǵan aǵaıynnyń zań talaptarynan qaýqarsyz bolýy ǵajap emes. Eldi ańsap jetken qazaqtarǵa aldymen túsindirý áreketteri júzege asýy tıis. Biz nege óz Otanyna talpynǵan qazaqtardy qabyldaýǵa qaýqarsyzbyz? Qazaqty Qazaqıadan alshaqtatý kimge kerek bolyp otyr? Jıyrmasynshy ǵasyrdyń otyzynshy jyldary osy topyraqtyń tól perzentterin óz jerinen alshaqtatý úshin arnaıy ashtyq saıasaty júrgizilgen edi. Endi osy topyraqtyń tól muragerleri nege óz jerinde ógeıdiń kúıin keship jatyr? Bul boıynda qazaqy qany týlaǵan ár azamatty oılandyrar saýal bolýǵa tıisti.

Gúlden Ábdibaqyt