Keshe Almatynyń bas sanıtar dárigeri Jandarbek Bekshın "Ashyq" mobıldik qosymshasyn paıdalana bastaǵan nysandardy jeke teksergeni habarlanǵan. Áleýmettik jeliniń keı qoldanýshylary tekseris barysynda Bekshın Iphone 12 smartfonyn ustap turǵanyn baıqaǵannan keıin Almatynyń sanıtarlyq-epıdemıologıalyq baqylaý departamenti smartfon Jandarbek Bekshınge tıesili emestigin málim etti.
Sanıtar dárigerdiń qymbat smartfon ustaǵan sátiniń fotosy qosymshany alǵash paıdalanǵan nysandardyń biri "Qazaqstan" sport keshenine barǵanda túsirilgen. Fotodan Jandarbek Bekshın qosymshanyń jumysyn tekserý úshin smartfonmen arnaıy QR-kodty skanerlegenin kórýge bolady.
Posmotret etý pýblıkasıý v Instagram
Almatynyń sanıtarlyq-epıdemıologıalyq baqylaý departamentiniń instagram paraqshasynda jarıalanǵan jazbanyń astyna qoldanýshylar "Bekshın Iphone 12" ustaıdy eken dep jazǵan. Paraqshanyń admınderi smartfon Bekshınge emes, sport kesheniniń dırektoryna tıesili ekenin, arnaıy qosymsha osy smartfonǵa ornatylǵandyqtan qalanyń bas sanıtary qosymsha qyzmetin osy qurylǵymen teksergenin málim etti.
Jandarbek Bekshınniń keı málimdemeleri men áreketteri aqparat quraldary men áleýmettik jelide buǵan deıin de qyzý talqylanǵan.
Ol 2020 jylǵy naýryzda eldiń bas sanıtar dárigeri bolyp turǵanda "Qazaqstanǵa "nakones-to" koronavırýs keledi" dep sózden súringen.
Keıin Almaty qalasynyń bas sanıtar dárigeri atanǵanda Medeý aýdanynyń turǵyndary qonaq úıdiń koronavırýsqa shaldyqqandardy emdeıtin klınıkaǵa aınalǵanyna qarsy shyǵyp narazylyǵyn bildirgen. Sol oqıǵadan habar taratýǵa barǵan Qamshy tilshisimen telefon arqyly sóıleskeninde bas sanıtar "turǵyndarǵa bárin túsindirdik, esh másele joq, dabyra qylyp júrgen sendersińder (jýrnalıser) dep dúrse qoıa bergen. Artynsha, "kór de tur, erteń koronavırýs juqtyrsań, osy klınıkaǵa jatqyzbaımyz" dep tutqany qoıa salǵan.
Al aqpannyń basynda jelide koronavırýsqa qarsy vaksına saldyryp jatqan Bekshın men ony qaýmalap turǵan jýrnalıserdiń sýreti tarap, kópti kúlkige qaryq qylǵan.
Pikir qaldyrý