Prezıdent Qasym-Jomart Toqaev Almaty oblysynda mas júrgizýshi oqýshylardy qaǵyp ketken jol-kólik oqıǵasyna qatysty tergeý jumystaryn óz baqylaýyna aldy. Bul týraly prezıdenttiń baspasóz hatshysy Berik Ýálı facebook paraqshasynda habarlady.

– Eki qyz aýyr halde aýrýhanada jatyr. Memleket basshysy kólik júrgizýshisin zańǵa sáıkes jaýapqa tartý úshin atalǵan oqıǵany jan-jaqty tekserý jóninde tapsyrma berdi. Zardap shekken qyzdar men olardyń ata-analaryna tıisti kómek kórsetiledi, – dep jazdy Berik Ýálı.

Buǵan deıin 2 naýryzda Almaty oblysynda mas júrgizýshi jol shetinde turǵan 8-9 jasar tórt qyz balany qaǵyp ketken. habarlanǵan.

Jol-kólik oqıǵasy saldarynan jaraqat alǵan úsh bala Shelek aýdandyq aýrýhanasyna jatqyzylǵan. Tórtinshi qyz dárigerlerdiń qaraýynan keıin úıine qaıtaryldy.

– Qazirgi ýaqytta júrgizýshi ýaqytsha ustaý ızolátorynda. Jol-kólik oqıǵasyna qylmystyq kodekstiń 345-1-baby 2-bóligi "Abaısyzda adamnyń densaýlyǵyna aýyr zıan keltirýge alyp kelgen is-áreket" boıynsha sotqa deıingi tergeý júrgiziledi. Qajetti saraptamalar taǵaıyndaldy, – dep habarlady Almaty oblysy PD ókilderi.

Dárigerler eki qyz komada jatqanyn aıtady.