Biryńǵaı jınaqtaýshy zeınetaqy qory salymshylar ótiniminiń qabyldanbaý sebepterin túsindirdi.

Ótinimderdiń qabyldanbaý sebepteri:

• Somalar durys kórsetilmegen, onyń ishinde zeınetaqy jınaqtarynyń somasy artyq kórsetilgen;
• Jeke tabys salyǵyn (JTS) tóleý tásilin tańdaý kezinde alýǵa suranys jasalatyn somalar durys kórsetilmegen;
• Salymshylar alýǵa bolatyn soma sheginde emes, zeınetaqy jınaqtarynyń búkil somasyn kórsetken;
• Ótinimde ózekti emes somalar kórsetilgen, ıaǵnı salymshylar ınvestısıalyq tabystyń naryqtyq aýytqýyna baılanysty zeınetaqy jınaqtary somasyndaǵy ózgeristerdi eskermegen;
• "BJZQ" AQ derekter bazasynda jeke zeınetaqy shottary jáne tıisinshe zeınetaqy jınaqtary joq tulǵalardan da ótinimder túsken;
• Salymshylar qaıtalaıtyn ótinimder bergen.

Qor baspasóz qyzmetiniń aqparatynsha, 2021 jyldyń 05 naýryzyna jaǵdaıy boıynsha BJZQ-ǵa ýákiletti operatorlardan turǵyn úı jaǵdaılaryn jaqsartý maqsatynda birjolǵy zeınetaqy tólemderin júzege asyrýǵa 199 401 ótinish kelip túsken.

Al emdelýge aqy tóleý maqsatynda 1 444 ótinish kelip túsken.