NASA-nyń "Perseverance" dep atalatyn roveri Qyzyl ǵalamsharǵa qonyp, eki aptadan keıin qysqa aralyqqa júre bastady. Bul týraly mısıa menedjerleri jarıalady.

Avtokólik kólemindegi alty dóńgelekti zond 6,5 metrge qozǵaldy. Rover Marstyń Djezero kraterindegi ejelgi kól tabany men ózen atyrabynda jarty saǵattyq synaq júrgizip, jaqyn qashyqtyqqa qozǵaldy.

Los-Andjeleske jaqyn NASA-nyń "Jet Propulsion Laboratory (JPL)" mısıasynyń menedjerlerinen nusqaý alyp, rover 4 metr alǵa júrip, solǵa qaraı 150 gradýsqa burylyp, keıin taǵy 2,5 metr artqa qaraı júrdi.

– Bul – óte jaqsy. Bul –úlken kezeń, – dedi JPL mobıldilikti testileý ınjeneri Anaıs Zarıfán.

NASA jarıalaǵan fotodan Mars betindegi dóńgelektiń izin kórýge bolady.