Qazaqstandyq kásipqoı boksshy Qanat Islam jartylaı orta salmaqtaǵy álem chempıonymen jekpe-jekke shyǵýy múmkin. Bul týraly sports.kz saıty habarlady.

Qanat Islam (28-0, 22 KO) WBC nusqasy boıynsha osy dıvızıondaǵy álem chempıony, amerıkalyq Djermall Charlonyń (31-0, 22 KO) yqtımaldy qarsylastarynyń biri.  

"Djermall Charlonyń qarsylastaryna alǵashqy úmitkerler: Masıas Montel, Andreı Sırotkın, Qanat Islam" delingen habarlamada.

Charlomen chempıondyq tıtýl úshin judyryqtasýǵa eń kóp múmkindikke ıe boksshy – RBC platformasynda jekpe-jek ótkizýde tájirıbesi mol Montel ekenin atap ótilgen.

Qanat Islam rıngke taıaýda ǵana shyqqan. 20 aqpanda AQSH-tyń Florıda shtatynyń Maıamı qalasynda ótken aıqasta ol jetinshi raýndta ekvadorlyq Djeıson Mındýny (14-4-1, 8 KO) nokaýtqa túsirip, jeńiske jetti.