Jańaózen turǵyndary ákimdik ǵımaratynyń aldynda mıtıń ótkizdi. Bul týraly lada.kz saıty habarlady.

Saıt málimetinshe, mıtıń 9 naýryzda Jańaózende ótken. Ákimdik ǵımaraty aldyna jınalǵandar suıytylǵan munaı gazy baǵasynyń ósýine narazylyq bildirgen.

Qala turǵyndary ákimdik ǵımaratynyń mańyna jınalyp, bılikten TMD-daǵy bólshek saýda naryǵyndaǵy qundy retke keltirýdi talap etken.

Jaǵdaıǵa qalanyń kásipkerlik jáne aýyl sharýashylyǵy basqarmasy bastyǵynyń mindetin atqarýshy Nursultan Muhtaruly túsinikteme berdi. Onyń aıtýynsha, gaz baǵasyn tómendetý maqsatynda ákimdik jeke kásipkerlermen jáne qalanyń gaz jelisi uıymdarymen turaqty túrde kezdesý ótkizip turady.

– Kásipkerlerge gaz baǵasyn kótermeý týraly aqparat berildi. Qazir baqylaý kún saıyn júrgiziledi, basqarma baǵanyń turaqtylyǵyn baqylaý úshin janarmaı quıý stansıalaryn kúnine eki ret tekseredi, – dedi Nursultan Muhtaruly.

Buǵan deıin Aqtaý júrgizýshileri osyndaı máselege shaǵymdanǵan bolatyn.

Mańǵystaý oblysy ákiminiń orynbasary Ǵalymjan Názov gazdyń qymbattaýyna shekti bólshek baǵanyń alynyp tastalýy jáne "kógildir otynnyń" aýksıon arqyly bólinýi áser etken bolýy múmkin ekenin habarlady.