Májilis depýtaty Aleksandr Mılútın premer-mınıstr Asqar Mamınge zeınet jasyn qaıta qaraý jóninde depýtattyq saýal joldady.

Májilismen depýtattar toby suranysty qaıta jiberip otyrǵanyn aıtty. Óıtkeni depýtattar berilgen jaýapqa qanaǵattanbaǵanyn atap ótti. Ol premer-mınıstrden Qazaqstan 1998 jyly shyqqan yntymaqtastyq zeınet júıesin qaıtarý máselesin talqylaýdy surady.

– Sizdiń jaýabyńyzda eńbek jaǵdaılarynyń kúrdeliligine baılanysty azamattardyń zeınetke shyǵý jasyn qaıta qaraý týraly bizdiń usynysymyz nazardan tys qaldy. Zeınetke erte shyǵý máselesin tek quqyq qorǵaý organdarynyń qyzmetkerlerine ǵana emes, kenshilerge, metalýrgterge, óner adamdaryna (balerınalarǵa) da qarastyrý kerek, – dedi Mılútın.

Sondaı-aq májilismen azyq-túlik baǵasynyń ósýine baılanysty zeınetaqyny da ósirý kerek ekenin aıtty.

– Zeınetaqy áleýmettik mańyzy bar tutyný taýarlary men qyzmetterdi satyp alýyǵa jetkilikti bolýy kerek. Taýar men qyzmet baǵasynyń ósýine baılanysty zeınetaqy da ósýi kerek, – dedi ol.