Bilim jáne ǵylym mınıstri Asqat Aımaǵambetov dene shynyqtyrý muǵalimderine qosymsha aı saıyn 17 myń teńge aqy tólenetinin aıtty.
– Bes jyldyń ishinde barlyq mektepte sportpen aınalysýǵa jaǵdaı jasalady. Sondaı-aq dene shynyqtyrý muǵalimderine seksıalar men úıirmeler ótkizgeni úshin qosymsha aı saıyn 17 myń teńge aqy tólenedi, – dedi Aımaǵambetov.
Mınıstr matematıka, tilder jáne ınformatıka pánderin oqytýǵa erekshe basymdyq beriletinin atap ótti.
– Oqýlyqtardyń sapasyn jaqsartý úshin alǵash ret úlgilik oqý baǵdarlamalaryn saraptaýdan jáne aprobasıadan ótkizip, oqýlyqtardy daıyndaý, saraptaý men basyp shyǵarýdyń jańa úlgisi engiziledi, – dedi ol.
Pikir qaldyrý