Brıtanıalyq tanymal Boxing News basylymy 2016 jyly Rıo-de-Janeıroda ótken olımpıada oıyndarynyń úzdik on júldegeriniń reıtıńin jarıalady. Oǵan qazaqstandyq Danıar Eleýsinov te engen. Bul týraly sports.kz saıty habarlady.

Danıar Rıo-de-Janeıroda ótken olımpıada oıyndarynda 69 kelige deıingi salmaq dárejesinde altyn medal ıelengen. Boxing News saıtynyń úzdik ondyǵynda boksshy altynshy orynǵa jaıǵasqan.

"2016 jyly Eleýsinov minberdiń joǵary jaǵynda oryn aldy jáne kásipqoı boksqa aýysqan sátten bastap jaqsy formada júr. Qazaqstannyń solaqaı boksshysy ortasha salmaq dárejesinde batyl qadamdar jasap keledi" delingen jazbada.

Sondaı-aq tizimge Eleýsinovtiń Rıo olımpıadasyndaǵy qarsylastary Ózbekstan ókili Shahram Gıasov jáne Fransıa ókili Súleıman Sıssoko kirgen.

Úzdik ondyq tizimi tómendegideı:

1. Klaressa Shılds (AQSH)
2. Mýrodjon Ahmadalıev (Ózbekstan)
3. Djo Djoıs (Ulybrıtanıa)
4. Shakýr Stıvenson (AQSH)
5. Tonı Ioka (Fransıa)
6. Danıar Eleýsinov (Qazaqstan)
7. Fılıp Hrgovıch (Horvatıa)
8. Djoshýa Býatsı (Ulybrıtanıa)
9. Shahram Gıasov (Ózbekstan)
10. Súleıman Sıssoko (Fransıa).