Aqtóbe oblysynda jedel járdem kóligi men jeńil avtokólik soqtyǵysyp, 54 jastaǵy adam qaza tapty. Bul týraly oblystyq polısıa departamentiniń baspasóz qyzmeti habarlady.
Departament málimetinshe, Muǵaljar aýdany Aqkemir kentiniń janynda Temir aýdandyq aýrýhanasyna tıesili ÝAZ kóligi "Honda CRV" kóligimen soqtyǵysqan. Jeńil avtokóliktiń 29 jastaǵy júrgizýshisi Aqtóbe qalasynan Qandyaǵash qalasy baǵytyna qaraı kele jatqan.
Jol apaty saldarynan Honda CRV kóliginiń 54 jastaǵy jolaýshysy men jedel járdem kóliginiń medbıkesi Qandyaǵash qalasynyń ortalyq aýrýhanasyna jetkizildi. Alaıda avtokólik jolaýshysy alǵan jaraqatynyń saldarynan kóz jumdy.
Pikir qaldyrý