Pavlodarda dúkendi tonaǵan 22 jastaǵy kúdikti jergilikti polısıa bóliminiń qyzmetkeri bolyp shyqty. Bul týraly ratel.kz saıty habarlady.

5 naýryzda Instagram-da er adam qarý kezenip, áıel adamnan kasadaǵy aqshany berýdi talap etip turǵan vıdeo taraǵan. Artynsha oqıǵa Pavlodarǵa jaqyn aýyldardaǵy dúkenderdiń birinde 1 naýryzda bolǵany anyqtaldy.

Oblystyq polısıa departamenti baspasóz qyzmetiniń habarlaýynsha, kúdikti aýyldaǵy dúkenderdiń birindegi satýshyny zorlyq-zombylyq kórsetemin dep qorqytyp, 120 myń teńge alyp ketken.

Qazirgi ýaqytta Pavlodar oblysynyń 22 jastaǵy turǵyny ustalyp, qylmystyq kodekstiń 192-baby ("Qaraqshylyq") boıynsha sotqa deıingi tergeý júrgizilip jatyr.

İshki ister mınıstrligi kóliktegi polısıa departamenti kúdikti polıseı bolyp jumys isteıtinin habarlady. Ol dúkenderdi tonaýǵa qyzmettik kóligimen barǵan. Sondaı-aq ol shabýyldaǵan "Keremet" dúkeni aýyl ákimdigine qarama-qarsy ornalasqan.

Tergeý aqparatyna sáıkes, kúdikti oıyn avtomatyna utylyp, aqsha izdegen.

Polısıa departamentiniń baspasóz qyzmeti is boıynsha saraptama áli jalǵasyp jatqanyn málimdedi.

 

 

 

Posmotret etý pýblıkasıý v Instagram

 

 

 

Pýblıkasıa ot Pavlodar (@pavlodar.times)