AQSH prezıdenti Djo Baıden prezıdent Qasym-Jomart Toqaevty táýelsizdiktiń 30 jyldyǵymen quttyqtady. Bul týraly Aqordanyń resmı saıty habarlady.

"Bıyl Qazaqstan Respýblıkasy óz Táýelsizdiginiń 30 jyldyǵyn atap ótedi. Sizdi osy ataýly oqıǵamen quttyqtaı otyryp, AQSH Prezıdentiniń Ákimshiligi Ózińizben jáne Qazaqstan halqymen etene jumys isteýge zor mán beretinin aıtqym keledi.

Uzaq jyldar boıy biz ıadrolyq qarýdy taratpaý, beıbitshilik pen qaýipsizdikti nyǵaıtý baǵytyndaǵy tyǵyz seriktesti qoldap kelemiz. Meniń Ákimshiligim strategıalyq seriktestigimizdi tereńdetýge jáne budan 5 jyl buryn Memlekettik hatshy Djon Kerrıdiń qatysýymen bastalǵan "S5+1" dıalog prosesin jalǵastyrýǵa múddeli"  dep jazylǵan jedelhatta.

Naýryz merekesi qarsańynda Djo Baıden Qasym-Jomart Toqaevqa jáne Qazaqstan halqyna beıbitshilik pen qut-bereke tiledi.