2021 jylǵy 10 naýryzda Nur-Sultan, Almaty, Pavlodar jáne Semeı qalalarynda Ulttyq qaýipsizdik komıteti İshki ister mınıstrligimen birlesip, aýyr jáne asa aýyr qylmystar jasaýǵa qatysy bar uıymdasqan qylmystyq toptyń jolyn kesý boıynsha iri aýqymdy arnaıy operasıa júrgizdi. Bul týraly Ulttyq qaýipsizdik komıtetiniń baspasóz qyzmeti habarlady.
"Ustalǵan toptyń 16 qatysýshysyna adam urlaý, bopsalaý, kisi óltirýge oqtalý, Shyǵys Qazaqstan oblysyndaǵy kásiporyndardyń birinen quramynda altyny bar shıkizatty urlaý jáne onyń QR sheginen tys kontrabandasy, sondaı-aq transulttyq qylmystyq top qurý jáne oǵan basshylyq jasaý aıyptary taǵylyp otyr. Qylmystyq toptyń quramyna quqyq qorǵaý organdarynyń árekettegi jáne burynǵy qyzmetkerleri kirgen" delingen aqparattyq habarlamada.
Ustaý barysynda kúdiktilerdiń qylmystaryn rastaıtyn iri somadaǵy aqshalaı qarajat, materıaldyq qundylyqtar, baılanys quraldary jáne ózge de zattar tabylǵan. Jedel-tergeý is-sharalary jalǵasýda.
Pikir qaldyrý