Almaty mańynda qulaǵan áskerı ushaqtyń "qara jáshik" málimetteri tekserilip jatyr. Bul týraly ulttyq qaýipsizdik komıtetiniń baspasóz qyzmeti habarlady.

Vedomstvo málimetinshe, QR úkimeti ushaq apatynyń mán-jaıyn anyqtaý maqsatynda quramyna arnaıy saraptaý komısıasyn qurdy. Quramyna ulttyq qaýipsizdik komıteti, qorǵanys jáne ishki ister mınıstirlikteriniń ókilderi kiredi.

"Qazirgi ýaqytta komısıa músheleri áýe kemesiniń apatqa ushyraǵan oqıǵa ornynda. Borttyq jazý quraly ("qara jáshik") tabyldy. İshindegi málimetteri tekserilip jatyr. Nátıjesi jaqyn ýaqytta habarlanatyn bolady" delingen habarlamada. 

Ushaq apatynda qaza bolǵandardyń týǵan-týysqandarymen psıhologtar jumys istep jatyr. Medısınalyq kómek kórsetý úshin Almaty qalasynda ornalasqan ulttyq qaýipsizdik komıtetiniń gospıtaliniń mamandary jumyldyrylǵan.

"Arnaıy bortpen E.Vasılkovtyń ata-analary Petropavl qalasynan Almatyǵa jetkizildi.

Ulttyq qaýipsizdik komıteti qaza bolǵandar men japa shekkenderdiń otbasylary men týǵandaryna qajetti materıaldyq, jerleý rásimderin ótkizý úshin  barlyq kómek túrlerin kórsetip jatyr" dep jazylǵan vedomstvo habarlamasynda.