Ulttyq qaýipsizdik komıteti avıasıa qyzmetine tıesili AN-26 ushaǵy ekıpajynyń apat aldynda dıspechermen áńgimesiniń jazbasy tarap jatyr. Bul týraly jýrnalıs Mıhaıl Kozachkov habarlap, áńgimeniń aýdıonusqasyn youtube arnasyna jarıalady.

"Jazba uzaq. Jarty saǵattan asady. Biraq tyńdaǵanda qoný úshin kórý múmkindigi jetkilikti bolǵany túsinikti bola túsedi. Dese de ushqyshtarǵa qatty týrbýlent pen muzdaný jaıly eskertý beriledi. Sondaı-aq UQK shekara qyzmetine tıesili bir emes, eki ushaqtyń qonýǵa juptasyp kele jatqany anyqtalady. Belgili bir sebeppen qulaǵan ushaq ekinshi aınalymǵa ketedi. Áńgime barysynan onyń nelikten olaı istegeni túsiniksiz. Tehnıkalyq aqaý týraly habarlanbaıdy. Múmkin baǵytynan jańylǵan shyǵar. Bul – tájirıbeli ushqyshtardyń biriniń tuspaly. Dıspechet apat bolǵanyn efırde habarlaý arqyly qatelik jibirdi. Ózge ushqyshtarǵa mundaıdy estýdiń qajeti shamaly. Bul olarǵa qalaı áser etetini belgisiz" delingen jýrnalısiń telegram-daǵy jazbasynda

Jazba sapasy nashar, dybys jóndi estilmeıtindikten áńgimeniń mazmuny túsiniksiz. Dese de áńgime sońynda dıspecherdiń "Aerodrom jabyq, bizde apat" degeni anyq estiledi.