Qazaqstandyq mýzykant Imanbek Zeıkenovtyń SAINt JHN atty ánshiniń Roses ánine jazylǵan remıksi Grammy syılyǵynyń "Úzdik remıks" nomınasıasyn jeńip aldy.

Grammy syılyǵy – Amerıkanyń Ulttyq dybys jazý óneri jáne ǵylym akademıasy (NARAS) tapsyratyn mýzykalyq syılyq.  Bul – búginde mýzyka ındýstrıasynda eń abyroıly marapat. 

Bıyl Grammy syılyǵy 63-shi ret uıymdastyrylyp otyr. 20 jastaǵy Imanbek Zeıkenov – shyǵarmasy Grammy syılyǵyna usynylǵan ári jeńgen alǵashqy qazaqstandyq. 

– "Gremmıdi" aldyq! Jigitter, "Gremmı" – bizdiki! – dedi mýzykant instagram áleýmettik jelisinde jarıalaǵan vıdeoda.

Syılyq utyp alǵan sátinde ol ata-anasyna, komandasyna, Effective Records leıbline, menedjeri Kırıllge jáne Grammy uıymdastyrýshylaryna alǵysyn aıtty.

Roses (SAINt JHN) ániniń túpnusqasy 2016 jyly jaryqqa shyqqan. Al remıksin 2019 jyly jazǵannan keıin Imanbektiń álemge tanymal boldy. Onyń remıksi Apple Music-tiń úzdik ondyǵyna kirip, Shazam mýzykalyq qosymshasynda 22 mıllıonnan astam qaraldy. Imanbektiń týyndysy Youtube-te 234,5 mıllıon ret kórilgen.

Imanbek Zeıkenov 2000 jyly 21 qazanda dúnıege kelgen. Ol buǵan deıin Pavlodar oblysy Aqsý qalasynda temir jolda jumys istedi.