Mánmada áskerıler úkimetti tartyp alǵan soń, narazylyq bildirip, sherýge shyqqan 38 adam óltirilgen.

Qaýipsizdik kúshteri Mánmanyń eń iri qalasy Iangonyń aýdandarynyń birinde qarsylyq bildirýshilerge taıaq pen pyshaq qoldanǵan jáne oq jaýdyrǵan.

Qytaılyq kásipkerlerge shabýyl jasalǵannan keıin áskerı kúshter bul aımaqta áskerı jaǵdaı jarıalady. Narazylar Qytaı Bırma áskerine qoldaý kórsetip otyr dep sanaıdy.

1 aqpandaǵy áskerı tóńkeristen keıin Mánmada narazylyq aksıalary jıilegen.

Áskerı bıleýshiler eldiń azamattyq kóshbasshysy jáne demokratıalyq ulttyq lıga partıasynyń jetekshisi Aýn San Sý Chıdi ustaǵan.

Partıa ótken jylǵy saılaýda úlken jeńiske jetti, biraq áskerıler partıa ókilderin keń kólemdi "alaıaqtyq jasady" dep aıyptaǵan.