Bilim jáne ǵylym mınıstri Asqat Aımaǵambetov ǵalym áıelder úshin arnaıy kvotalar engiziletinin málimdedi.

Mınıstrliktiń málimetine súıensek, ótken jyly granttyq qarjylandyrýdyń jańa túrleri engizildi. Onyń ishinde shaǵyn jáne halyqaralyq kollaborasıa boıynsha granttar bar.

2020 jyly ǵylymı jobalar boıynsha 5 konkýrs ótkizilgen. Ǵylymdy ákimshilendirý júıesi jetildirilip, jobalardan kútiletin nátıjelerge qoıylatyn talaptar arttyrylǵan.

Bilim mınıstri jas ǵalymdardy qoldaýǵa da erekshe kóńil bólinip otyrǵanyn aıtty.

– Biz ǵalymdardyń taǵylymdamadan ótýi úshin 500 grant bólý týraly tapsyrma sheńberinde jumysty uıymdastyramyz. Sonymen qatar QR Prezıdenti Ulttyq qoǵamdyq senim keńesi otyrysynda jas ǵalymdarǵa keminde 1000 ǵylymı grant bólýdi tapsyrdy. Qarjylandyrý bar, jumys júrgiziletin bolady.

Jas zertteýshilerge qoldaý kórsetý úshin biz ǵylymı granttarǵa konkýrstar jarıalaý kezinde arnaıy kvota engizdik. Qazir biz jas ǵalym áıelderdiń sanyna qatysty da dál osyndaı kvotany engizemiz dep sheshim qabyldadyq. Bul týraly bizdiń ǵalym áriptesterimizben kezdesýlerde birneshe márte aıtylǵan bolatyn, – dedi Aımaǵambetov.