Densaýlyq saqtaý mınıstri Alekseı Soı elde 76 188 azamatqa vaksına egilgenin habarlady. Bul týraly ol úkimettiń keńeıtilgen otyrysynda aıtty.

– Búgingi kúni vaksınasıa júrgizý úshin 347 egý pýnkti jumyldyryldy, 76 188 azamat egildi. Naýryz aıynyń sońyna deıin sáýir aıynan bastap jetkizilim kóleminiń edáýir artýymen 180 000 doza vaksına jetkiziledi dep kútilýde.

Optımısik senarı boıynsha sáýir aıynda táýligine 500 naýqasqa deıin tirkeledi dep boljanýda. Al pesımısik senarı kezinde táýligine 1700-ge deıin barýy múmkin, – dedi mınıstr. 

Sondaı-aq ol sáýir aıynan bastap halyqtyń osal toptaryn (sozylmaly aýrýlary bar adamdar, 65 jastan asqan adamdar jáne halyqtyń basqa da toptary) vaksınasıalaýdy bastaý josparlanyp otyrǵanyn ekenin atap ótti. 

– Kelip túsetin vaksına kóleminiń aı saıyn ulǵaıýyn eskere otyryp, aýmaq ákimderi vaksınany saqtaý jáne tasymaldaý sharttaryn saqtaı otyryp, qosymsha egý kabınetterin ázirleýdi, tıisti halyqty vaksınasıalaýdy júrgizýdi keńeıtý úshin daıarlanǵan mamandarmen qamtamasyz etýi qajet.

Qazaqstanda vaksına óndirýshilermen júrgizilgen kelissózderdi eskere otyryp, bıyl vaksınany jetkizýdi eskere otyryp, shamamen 12 mln doza vaksına alý josparlanýda, – dedi Alekseı Soı.