Almaty oblysynda jedel járdem qyzmetkerlerine shabýyl jasaldy. Bul týraly oblystyq densaýlyq saqtaý basqarmasy málim etti.

16 naýryz saǵat 16:17-de jedel járdem beketine Esik qalasyna qarasty Saıajaıǵa shaqyrtý túsedi. Oǵan 23-brıgadanyń 22-qosalqy stansıasynyń feldsheri S.A.Elekenov shyǵady. Aýa raıynyń qolaısyzdyǵyna baılanysty komanda shaqyrylǵan jerge 16:32-de jetken. Jedel járdem jetkenshe naýqas qaıtys bolǵan.

Feldsher Elekenov pen júrgizýshi Moldahmetovtiń aıtýynsha, naýqasqa kelgende olardy er adam agressıvti túrde qarsy alǵan. Naýqasty teksergen feldsher onyń ólimi týraly málimdegen. Ákesiniń qaıtys bolǵanyn estigen er adam pyshaq alyp, dárigerlerge qaraı júgirgen. Marqumnyń týystary máıitti kólikke kúshtep salǵan.

Eńbekshiqazaq aýdandyq kópsalaly aýrýhanasyna kelgen kezde marqumnyń uly qyzmetkerlerdi balaǵattap, jedel járdem kóliginiń júrgizýshisi Moldahmetovtiń betinen uryp, taǵy birneshe soqqy jumsaǵan. Taıaq jegen júrgizýshige oqıǵa ornynda medısınalyq kómek kórsetilip, aýrýhanaǵa jatqyzyldy. Qazir atalǵan jaǵdaımen quzyrly organdar tergeý jumystaryn júrgizýde.