Densaýlyq saqtaý mınıstrligi eldegi epıdemıologıalyq jaǵdaıǵa baılanysty sońǵy derekterdi jarıalady.

Mınıstrlik málimetinshe, 16 naýryz kúni 1082 adamnan koronavırýs anyqtalyp, 8 adam kóz jumǵan. 79 adam pnevmonıa juqtyrǵan.

Koronavırýs alǵash tilkelgen 2020 jylǵy 13 naýryzdan 2021 jylǵy 16 naýryzǵa deıin elde 226 767 adamnan vırýs anyqtalǵan. 2020 jylǵy 1 tamyzdan beri júrgizilip kele jatqan pnevmonıa statısıkasy boıynsha 16 naýryzǵa deıin 49 896 naýqas pnevmonıaǵa shaldyqqan.

17 naýryzdaǵy málimet boıynsha, 15 820 adam koronavırýstan, 3 812 pnevmonıadan emdelip jatyr. Onyń ishinde 5 370 pasıent stasıonarda, 14 262 naýqas ambýlatorıalyq deńgeıde em qabyldaýda.

İndetke shaldyqqandardyń arasynda 237 adamnyń jaǵdaıy aýyr, 56 pasıenttiń jaǵdaıy óte aýyr, 40 naýqas ÓJJ apparatynda jatyr.