"Jolaýshylar tasymaly" aksıonerlik qoǵamy qala mańyndaǵy poıyzdarda vagonǵa otyrǵyzýdyń balamaly múmkindigi paıda bolǵanyn habarlady.
Endi jolseriktiń mobıldik termınaly arqyly jolaýshynyń mobıldi qurylǵysynan elektrondyq jeke kýáliktiń QR-kodyn oqý arqyly jolaýshylardy vagonǵa otyrǵyzýǵa bolady.
"Derekterdi verıfıkasıalaý kezinde jolaýshynyń sáıkestendirilýi jáne onyń jol júrý derektemeleri rastalady. Bul múmkindik otyrǵyzylýdyń balamaly nusqasy jáne jolaýshyǵa jeke kýáligin usynbaýǵa múmkindik beredi. Ony paıdalaný úshin jolaýshynyń mobıldi qurylǵysy jáne otyrǵyzý kezinde uıaly baılanysyndaǵy ınternet jelisi qosylyp turýy qajet. 2021 jyldyń maýsym aıynyń basynda mobıldik termınaldyń jańartylǵan nusqasyn iske qosý josparlanyp otyr" delingen "Jolaýshylar tasymaly" aksıonerlik qoǵamy taratqan aqparattyq habarlamada.
Pikir qaldyrý