Tesla jáne SpaceX kompanıasynyń bas dırektory Ilon Mask 1 tvıtin satatynyn jarıalaǵan soń, kóp ótpeı ony 1 mıllıon dollarǵa satyp alý týraly usynys  tústi.

Mask dúısenbi kúni óziniń tvıtter paraqshasynda "Men bul ándi NFT (sandyq aktıv) retinde satamyn" dedi.

Ol satylymǵa shyǵarǵan án mátininde "kompúterler eshqashan uıyqtamaıdy... Rastaldy. Bul kepildendirilgen" degen sıaqty sózder bar.

Satylymǵa qatysýshylardyń biri Ilon Masktyń tvıtindegi tehno án men ilespe beıneklıpti satyp alýǵa mıllıon dollardan astam qarajat usyndy.

Degenmen Mask jaýap berip, oıyn ózgertkenin málimdedi.

Seısenbi kúni Mask tvıtterde "Shyndyǵynda, muny satý durys emes sıaqty seziledi" dep jarıalady. 

NFT – keskinder men beıneklıpterdi beıneleý úshin qoldanylatyn erekshe krıpto-aktıvter. Olardy fızıkalyq koleksıalar sıaqty satyp alýǵa jáne satýǵa bolady. NFT-ler ortalyqtandyrylmaǵan sıfrlyq júıede nemese blokcheınde jumys isteıdi.

Aıta keteıik, jaqynda ǵana Ilon Masktyń qalyńdyǵy óziniń ánderi men basqa da shyǵarmalarynyń NFT nusqasyn satýǵa shyǵarǵan.