2021 jyldyń qyrkúıek aıynan bastap joǵary oqý ornyndaǵy shtattaǵy oqytýshy aıyna kem degende 200 myń teńge jalaqy alady. Bul týraly bilim jáne ǵylym mınıstri Asqat Aımaǵambetov facebook paraqshasynda jazdy.
"2019 jylǵy qyrkúıekte bilim jáne ǵylym mınıstrligine tikeleı baǵynyshty joǵary oqý oryndary oqytýshylarynyń jalaqysy 20 paıyzǵa, keıin 2020 jylǵy qyrkúıek aıynda taǵy 20 paıyzǵa ulǵaıtyldy. Degenmen qabyldanǵan sharalarǵa qaramastan jalaqy kólemin áli de arttyrý qajet. Bul rette, bolǵan jalaqynyń bazasynyń tómen bolýyna baılanysty, tipti jalaqyny 20-40 paıyzǵa ulǵaıtý sharalary da jetkiliksiz bolyp otyr.
2021 jyldyń qyrkúıeginen bastap bilim jáne ǵylym mınıstrligine vedimistik baǵynyshty joǵary oqý ornynda shtattaǵy oqytýshy aıyna kem degende 200 myń teńge, aǵa oqytýshy – 230 myń teńge, qaýymdastyrylǵan profesor – 260 myń teńge; profesor 350 myń teńge (ulttyq joǵary oqý oryndarynda – 400 myń teńge) alýy tıis. Bul jalaqynyń eń tómengi mólsheri bolýy tıis. Sondaı-aq ár joǵary oqý orny oqytýshylardyń belgili bir jetistikteri úshin basqa da yntalandyrý tólemderin belgilep, tóleı alady, – dep jazdy mınıstr.
Sondaı-aq pedagogıkalyq júktemeniń maksımaldy kólemin 1 stavka úshin 680 saǵattan asyrmaý keregi týraly sheshim qabyldandy.
– Bul pedagogıkalyq júktemesi atalǵan kórsetkishten tómen joǵary oqý oryndaryn (jylyna 450 nemese 500 saǵat) eshteńege mindettemeıdi. Iaǵnı, saǵat sanyn belgilengen 680-ke deıin jetkizý mindeti turǵan joq. Oqytýshyǵa berilgen 1 stavka kólemi 700-900 saǵat nemese odan joǵary bolatyn joǵary oqý oryndary saǵat sanyn 680-ke deıin tómendetýi kerek, – dedi ol.
Pikir qaldyrý