Qytaıdyń iri avtomobıl óndirýshisi Geely kompanıasy Tesla-ǵa básekeles elektromobılder shyǵarady.

Volvo men Lotus-qa ıelik etetin qytaılyq kompanıa seısenbide Qytaıdyń elektromobılderge suranysyn eskerip, óziniń "Zeekr" brendin jarıalady.

Bul jańalyq Ilon Mask Qytaıdyń kómirsýtegi shyǵaryndylarymen kúresý josparlaryn maqtaǵannan keıin jarıalanady.

Geely kompanıasy "Zeekr" brendimen joǵary deńgeıli elektrli kólikterdi  damytyp shyǵaratynyn, jetkizilimderdi 2021 jyldyń úshinshi toqsanynda bastaıtynyn málimdedi.

Kompanıa ózinde bar brendter arqyly premıým-elektromobılderge ashyq ekenin jarıalady. Volvo Cars-qa tıesili "Polestar" bólimi elektromobılderdi damytady. Onyń shtab-páteri Shvesıada ornalasqan, kólik quraldary Qytaıda shyǵarylady.

Geely-ge tıesili Lotus kompanıasy Evija dep atalatyn elektr qýatymen jumys isteıtin sýperkar shyǵarýmen aınalysady.