Aqtóbede sársenbi kúni jol apatynan 4 adam kóz jumdy. Bul týraly oblystyq polısıa departamentiniń baspasóz qyzmeti habarlady.
Oqıǵa 24 naýryzda Qandyaǵash-Embi-SHalqar avtojolynda bolǵan. 40 jastaǵy LADA Priora júrgizýshisi Embi qalasynan Qandyaǵash qalasyna qaraı kele jatqan. Qandyaǵash-Embi-SHalqar tas jolynyń 61-shi shaqyrymynda ol aldyndaǵy kólikti basyp ozamyn dep, qarsy bettegi basqa LADA Priora-men soqtyǵysqan.
Saldarynan júrgizýshi men 32 jastaǵy áıel, 14 jastaǵy bala oqıǵa ornynda kóz jumdy. 3 jasar qyz Embi qalasynyń ortalyq aýrýhanasyna jetkizildi.
Basqa kóliktiń júrgizýshisi men 6 jolaýshysy Embi qalasynyń ortalyq aýdandyq aýrýhanasyna jatqyzyldy, solardyń arasyndaǵy 51 jastaǵy jolaýshy esin jımastan qaıtys boldy.
Atalǵan is boıynsha qylmystyq kodekstiń 345-baby 4-tarmaǵy boıynsha sotqa deıingi tergeý jumystary júrgizilýde.
Posmotret etý pýblıkasıý v Instagram
Pikir qaldyrý