Qazaqstandyq aktrısa Saltanaı Qudaıbergenovaǵa taksı júrgizýshisi shabýyl jasaǵan, oqıǵany polısıa rastady, dep jazady zakon.kz saıty.
Saıt málimetinshe, Indraıvermen tapsyrys qabyldaǵan taksı júrgizýshisi aktrısany teýip túsirip ketken. Oqıǵa Almatydaǵy Naýryzbaı batyr - Shevchenko kósheleriniń qıylysynda bolǵan.
Almaty qalasy Almaly aýdany polısıa basqarmasynyń basshysy Esen Ysqaqov is óndiriske engizilgenin, dene jaraqatynyń dárejesin anyqtaý úshin jábirlenýshige sot-medısınalyq saraptama taǵaıyndalǵanyn habarlady. Sodan keıin baryp qana zańnamaǵa sáıkes, tıisti shara qoldanylady.
Qolda bar derekke saı, jábirlenýshi men taksı júrgizýshisi janjaldasyp qalǵan. Júrgizýshiniń túr-tulǵasy anyqtaldy. Aldaǵy ýaqytta onyń áreketine quqyqtyq baǵa beriledi.
Saltanaı Qudaıbergenova "Kenje", "Bıkeshter" sekildi serıalǵa, "Tomırıs" kórkem fılmine túsken.
Pikir qaldyrý