Qazaqstannyń bas sanıtar dárigeri Erlan Qıasov koronavırýs ınfeksıasynyń taralýyn aldyn alý maqsatynda qaýlysyna ózgerister men tolyqtyrýlar engizdi.

2020-2021 oqý jylynyń tórtinshi toqsanynda:

• kontıngenti 300 oqýshyǵa deıingi qalalyq jáne aýyldyq mektepterde synyptardaǵy bala sany 25-ten asyrylmaı dástúrli formatta oqytylady;
• bilim berý uıymy ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa ruqsat etiledi;
• jasyl jáne sary aımaqta ornalasqan óńirlerdegi jalpy bilim beretin mektepterde barlyq synyptardyń oqýshylary úshin bala sany 25-ten aspaı aralas formatta oqytylady. 

Al koronavırýstyń "qyzyl" aımaǵynda ornalasqan óńirlerde:

• jalpy bilim beretin mektepterde 1 synyptan bastap 5 synypty qosa alǵanda, halyqaralyq mektepterde 1 synyptan bastap 7 synypty qosa alǵanda, mektep aldy synyptarynyń oqýshylary úshin synyptardaǵy bala sanyn 25-ten asyrmaı aralas formatta oqytylady; 
• oqý bitiretin synyptar (9, 11 (12) synyptar) úshin aptanyń 6 kúni ishinde: pánderdiń 70%-yn shtattyq rejımde, 30%-yn qashyqtan aralas formatta oqytýǵa ruqsat etiledi.

Osy qaýly 26 naýryz saǵat 00:00-den bastap kúshine enedi.