Halyqaralyq boks qaýymdastyǵy (AIBA) Dırektorlar basqarmasynyń daýys berý qorytyndysy boıynsha eki qazaqstandyqty óziniń basqarýshy organdarynyń múshesi etip taǵaıyndaǵan. 

Qazaqstan boks federasıasynyń menedjeri Meıram Nurtazın jarystardy ótkizý máseleleri jónindegi komısıanyń quramyna kirdi. Sıdneı Olımpıadasynyń chempıony, Olımpıadalyq daıarlaý ortalyǵynyń dırektory Ermahan Ibraımov chempıondar men ardagerler máseleleri jónindegi komısıanyń múshesi boldy.

Nurtazın men Ibraımov – 2018-2019 jylǵy úzilisten keıin AIBA basqarýshy organdaryna taǵaıyndalǵan alǵashqy qazaqstandyqtar. 2014 jyldan bastap 2017 jylǵa deıin komısıalarda 6 qazaqstandyq jumys istegen. 2019 jyly uıymdaǵy reformalarǵa baılanysty barlyq komısıalar taratylyp, qazir jańadan taǵaıyndalyp jatyr.