Erteń, 31 naýryz kúni Nur-Sultan qalasynyń ýaqyty boıynsha saǵat 17:00-de onlaın formatta túrkitildes memleketterdiń yntymaqtastyq keńesiniń beıresmı samıti ótedi. Bul týraly prezıdenttiń baspasóz hatshysy Berik Ýálı facebook paraqshasynda habarlady.
– Beıresmı samıtti prezıdent Qasym-Jomart Toqaev ashyp, júrgizedi. Jıynǵa Qazaqstannyń tuńǵysh prezıdenti – elbasy Nursultan Nazarbaev, Túrkıa prezıdenti Rejep Taııp Erdoǵan, Ázerbaıjan prezıdenti Ilham Álıev, Ózbekstan prezıdenti Shavkat Mırzıóev, Qyrǵyzstan prezıdenti Sadyr Japarov, Túrikmenstan prezıdenti Gýrbangýly Berdimuhamedov, Vengrıa premer-mınıstri Vıktor Orban, Túrki tildes memleketterdiń yntymaqtastyq keńesiniń bas hatshysy Baǵdad Ámireev qatysady, – dep jazdy ol.
Jıyn barysynda baýyrlas memleketter arasyndaǵy saýda-ekonomıkalyq, mádenı-gýmanıtarlyq salalar boıynsha yntymaqtastyq jáne ony odan ári damytý máseleleri talqylanady.
"Samıt qorytyndysy boıynsha túrki elderiniń mádenı qundylyqtaryna jáne Keńestiń mártebesine qatysty deklarasıa qabyldanady dep josparlanyp otyr" delingen Berik Ýálıdiń jazbasynda.
Pikir qaldyrý