Qazaqstanda koronavırýs indeti qaıta órship keledi. Bul týraly prezıdent Qasym-Jomart Toqaev koronavırýs indetine baılanysty epıdemıologıalyq ahýal jónindegi keńeste aıtty. 

– Qazirgi jaǵdaıymyz jaqsy emes. Tipti, ahýal óte kúrdeli dep aıtýǵa bolady. Koronavırýs indeti qaıta órship keledi. Muny Qazaqstan ǵana emes, kóptegen elder bastan ótkerýde. Onyń negizgi sebebi vırýstyń mýtasıalanǵan jańa shtamdary bolyp otyr.

Oǵan qosa, azamattarymyz jáne bıznes ókilderi indetten ábden qajyp, sonyń saldarynan saqtyq sharalaryna salǵyrt qaraı bastady. Bul árıne, jaǵdaıdy odan beter ýshyqtyrýda.

Degenmen kóptegen sarapshylardyń aıtýynsha, 2021 jyly jalpy ahýal jaqsaryp, qaıta ósim bolyp, pandemıadan keıin azamattardyń turmys sapasynyń artýyna múmkindikter bar, – dedi Toqaev.