Shyǵys Qazaqstan oblysynyń bas sanıtar dárigeri Qanat Turdıevtiń jańa qaýlysy boıynsha oblys koronavırýs taralýyna baılanysty 15 sáýirge deıin tolyǵymen jabyldy. 

Qaýlyda oblys aýmaǵyna kirip-shyǵýǵa ruhsaty baryn rastaıtyn qujaty bar azamattardy qospaǵanda, adamdardyńoblys aýmaǵyna  kelýine, oblys aýmaǵynan ketýine tyıym salynatyny jazylǵan.

Tómendegi adamdarǵa sanıtarıalyq beketter arqyly kedergisiz kirip-shyǵýǵa ruqsat etilgen:

– halyqtyń tynys-tirshiligin qamtamasyz etý uıymdarynyń, medısınalyq, sanıtarıalyq-epıdemıologıalyq, quqyq qorǵaý, arnaıy jedel jáne avarıalyq qyzmetter qyzmetkerleri;

– medısınalyq kórsetkishter boıynsha ketetin jáne keletin adamdar;

– karantındik stasıonarlarda emdelýde jáne baqylaýda bolǵan adamdar;

– tranzıttik jolaýshylar men júkterdi avtotasymaldaýshylar;

– vahtalyq qyzmetkerlerdi tasymaldaıtyn kólik quraldary jáne t.b.

Qaýlynyń tolyq nusqasy myna jerde.