Mańǵystaý oblysy Munaıly aýdany ákimi apparatynyń turǵynúı komýnaldyq sharýashylyǵy jolaýshylar kóligi jáne avtomobıl joldary bóliminiń basshysy 1 mıllıon teńge kóleminde para alǵanyn moıyndady. Bul týraly sybaılas jemqorlyqqa qarsy qyzmettiń asa mańyzdy isteri jónindegi tergeýshisi Danıar Bıǵaıdarov habarlady.

– Kúdikti "Jumyspen qamtý jol kartasy – 2020" memlekettik baǵdarlamasy aıasynda salynǵan joldyń qurylysy kezinde qamqorlyq kórsetkeni úshin zańdy tulǵalardan 1 mıllıon teńge kóleminde para alǵanyn moıyndady, –  dedi Danıar Bıǵaıdarov

Buǵan deıin áleýmettik jelide 2020 jyly Munaıly aýdany Baıandy aýylynda jańadan tóselgen asfált jabynyn qolmen ońaı bólip alýǵa bolatyny kórsetilgen vıdeony jarıalanǵan bolatyn.