Qytaı Halyq banki men Gonkong aqsha-nesıe mekemesi sıfrlyq ıýándy transshekaralyq paıdalaný úshin "tehnıkalyq synaqtan" ótkizýdi bastady. 

Qytaıdyń ortalyq banki men onyń Taılandtaǵy jáne Birikken Arab Ámirlikterindegi áriptesteri arasynda da halyqaralyq yntymaqtastyq jedeldedi.

Qytaı ortalyq banki sıfrlyq valútany damytýda álemdik kóshbasshy esepteledi.

200 mıllıon ıýán (30,4 mıllıon AQSH dollary) búkil el boıynsha, onyń ishinde Shenchjen, Sýchjoý jáne Beıjiń qalalarynda pılottyq jobalarǵa taratyldy.

"Táýelsiz sıfrlyq valúta arqyly elektrondyq tólemder negizinen shaǵyn bólshek saýda maqsattaryna arnalǵan bolsa da, transshekaralyq qoldanys bolýy múmkin" deıdi Qytaı Halyq Banki zertteý búrosynyń jetekshisi Van Sın.

— Sharttar júıelenip, naryqtyq suranysqa ıe bolǵan kezde, sıfrlyq ıýánmen transshekaralyq operasıalardy sheshýge bolady, — dedi ol Beıjińde ótken brıfıńte. 

Buǵan deıin Qytaıdyń sıfrlyq valútany damytatyny týraly habarlanǵan.