2 sáýirde Almatynyń bas sanıtar dárigeri Jandarbek Bekshın jańa qaýly jarıalady.

Qaýlyǵa sáıkes, 2020-2021 oqý jylynyń sońyna deıin stýdentter men oqýshylar qashyqtan oqıdy.

Qyzmetterine ruqsat beriledi:

• shashtarazdar, kosmetologıalyq jáne sulýlyq salondary (ornalasqan jerine qaramastan);

• sýpermarketter, gıpermarketter, tamaq ónimin satatyn saýda jelileri;

• ashyq bazarlar (azyq-túlik jáne ámbebap), sondaı-aq jabyq azyq-túlik bazarlary (jeksenbiden basqa kúnderi);

• azyq-túlik emes jabyq ámbebap bazarlar (senbi-jeksenbiden basqa);

• qoǵamdyq tamaqtaný obektileri.

Al kitaphanalar, balalardy saýyqtyrý lagerleriniń, bilim mekemelerindegi qoǵamdyq tamaqtaný obektileriniń qyzmetine, keńesterdi kózbe-kóz rejımde ótkizýge tyıym salynady.

Qaýlynyń tolyq mátini myna jerde.