Prezıdent Qasym-Jomart Toqaev dárigerlerdi dúnıejúzilik densaýlyq kúnimen quttyqtady. Bul týraly memleket basshysy twitter paraqshasynda jazdy.

– Búgin dúnıejúzilik densaýlyq kúni. Qazirgideı qıyn kezeńde densaýlyq saqtaý salasynyń tıimdi jumysy – adamzat ómirinde qanshalyqty mańyzdy ekenin kórsetti. Pandemıanyń alǵashqy kúninen bastap, medısına qyzmetkerleri adam ómirine arasha túsip, koronavırýsqa qarsy kúrestiń aldyńǵy shebinde júr, – dep jazdy Toqaev.

Prezıdenttiń aıtýynsha, 2020 jyldan bastap medısına salasyn qarjylandyrý kóbeıgen.

– Qoljetimdi jáne sapaly medısına júıesi – jalpyulttyq basymdyq. 2020 jyldan bastap medısına salasyn qarjylandyrý 1,5 esege kóbeıdi. 2021 jyly 1 qańtardan bastap, sala qyzmetkerleriniń jalaqysy kóterildi. Azamattardyń densaýlyǵyn qorǵaýdaǵy jankeshti eńbegi úshin dárigerlerge rızashylyǵymdy bildiremin, – dedi ol. 

Búgin Dúnıejúzilik densaýlyq kúni. Qazirgideı qıyn kezeńde densaýlyq saqtaý salasynyń tıimdi jumysy–adamzat ómirinde qanshalyqty mańyzdy ekenin kórsetti.Pandemıanyń alǵashqy kúninen bastap medısına qyzmetkerleri adam ómirine arasha túsip, k/vırýsqa qarsy kúrestiń aldyńǵy shebinde júr

— Qasym-Jomart Toqayev (@TokayevKZ) April 7, 2021