Elge "Spýtnık V" vaksınasynyń 2 mln dozasy jetkiziledi. Bul týraly Densaýlyq saqtaý mınıstri Alekseı Soı Ortalyq komýnıkasıalar qyzmetinde ótken brıfıńte málim etti.
– Qazaqstanda óndirýshilermen júrgizilgen kelissózderdi eskere otyryp, birinshi jartyjyldyqta 6 mln-nan astam vaksına dozasyn saldyrý josparlanýda, bul tıisti kontıngenttiń 64%-yn qamtýǵa múmkindik beredi, – dedi mınıstr.
Alekseı Soı sondaı-aq adamdar kóp jınalatyn jerlerde vaksınasıa júrgizý úshin jyljymaly egý pýnktteri iske qosylatynyn, 8 sáýirde "elektrondyq úkimet" portalynda "vaksınasıaǵa jazylý" qyzmetin iske qosý josparlanyp otyrǵanyn aıtty.
– Ol úshin azamat "elektrondyq úkimet" portalyna avtorızasıalanýy jáne ótinim berýi qajet, onda tek tirkeý aımaǵy boıynsha medısınalyq uıymdy kórsetý qajet bolady, sodan keıin ótinim medısınalyq uıymǵa bólýge túsedi. Medısınalyq uıym vaksınasıa júrgizý ýaqytyn kórsete otyryp, ótinimderdi bóledi. Taratylǵannan keıin azamat "elektrondyq úkimet" portalynda medısınalyq uıymǵa baratyn kúndi jáne ýaqytty kóredi, sondaı-aq qosymsha SMS habarlama alady, – dedi ol.
Pikir qaldyrý