Almaty oblysynyń Kóksý aýdanyna blokbeket qoıyldy. Bul týraly polisia.kz saıty málimdedi.
– Kóksý aýdanynda koronavırýs ınfeksıasynyń taralýyna baılanysty aýyldyq okrýgterdiń kireberisinde blokbeketter qoıyldy. Aýdan ishinde qozǵalysqa shekteý qoıylmaıdy, tek basqa oblystardan ótkizý pýnktterinen ótetin adamdar baqylaýǵa alynady, – dedi aýdandyq polısıa bóliminiń bastyǵy Ramıl Gımadıev.
12 sáýirdegi jaǵdaı boıynsha Kóksý aýdanynda koronavırýs ınfeksıasynyń 128 jaǵdaıy tirkelgen.
Blokbeketterdiń jumysyna aýdandyq polısıa bólimderiniń qyzmetkerleri men jergilikti atqarýshy organdardyń mamandary jumyldyrylǵan.
Qazir Almaty oblysy koronavırýstyń taralýy boıynsha "qyzyl" aımaqta tur.
Pikir qaldyrý