Qazaqstannyń bas memlekettik sanıtar dárigeri Erlan Qıasov karantın týraly qaýlyǵa ózgerister engizdi.

Qaýlyda PTR anyqtamasy joq jolaýshylar áýe kemesiniń bortyna otyrǵyzýǵa jiberilmeıtini jazylǵan. Bul ózgeris shetelden Qazaqstanǵa ushyp keletin reısterge qatysty.

Sonymen qatar qujatta 1-qosymshanyń 5-tarmaǵy, ıaǵnı qazaqstandyqtardy koronavırýsqa tekserý úshin eki táýlikke oqshaýǵa alady degen talapty alyp tastalǵan.

"Karantın sharalaryn qatańdatý týraly sheshimdi qalyptasqan epıdemıologıalyq jaǵdaıǵa baılanysty halyqtyń sanıtarıalyq-epıdemıologıalyq salamattylyǵy salasyndaǵy qyzmetti júzege asyratyn oblystardyń, Almaty, Nur-Sultan, Shymkent qalalarynyń bas memlekettik sanıtar dárigerleri, Qazaqstan Respýblıkasy qorǵanys mınıstrliginiń qurylymdyq bólimsheleriniń, ulttyq qaýipsizdik jáne ishki ister organdarynyń basshylary qabyldaıdy.

Karantın sharalaryn jeńildetý týraly sheshimdi qalyptasqan epıdemıologıalyq jaǵdaıǵa baılanysty Qazaqstan Respýblıkasynyń bas memlekettik sanıtar dárigeri qabyldaıdy" delingen qujatta.

Qaýlynyń tolyq nusqasy myna jerde.