"Koronavırýs, ket, ket ket" ániniń avtory Marat Omarovtyń Shymkentte toı jasaǵany anyqtaldy. Bul týraly Azattyq Ryhy saıty habarlady. 

Saıt málimetinshe, áleýmettik jelilerde jarıalanǵan toı vıdeosy Shymkent qalasynyń "Karavan" kafesinde túsirilgen. Elimizde toı-jıyn jasaýǵa tyıym salynǵanyna qaramastan, ánshi Marat Omarov toıhanada qyzyn uzatqan. 

Shymkent qalasy ál-Farabı aýdany boıynsha sanıtarlyq-epıdemıologıalyq baqylaý basqarmasy oqıǵaǵa qatysty pikir bildirdi.

– Tártip buzýshylarǵa qatysty ákimshilik jaza qoldaný úshin ákimdik pen polısıa departamentine hat joldandy, – dedi departament ókilderi. 

Vıdeoda toı konaqtarynyń arasynan Marat Omarov, Sabına Altynbekova jáne ánshi Qaırat Túntekovty baıqaýǵa bolady.