Densaýlyq saqtaý birinshi vıse-mınıstri Marat Shoranov eldegi vaksınasıanyń júrgizilý barysy týraly aıtty. Bul týraly ol Ortalyq komýnıkasıalar alańyndaǵy brıfıńte málimdedi.

– Koronavırýs ınfeksıasyna qarsy vaksınasıa jalǵasýda. Birinshi sáýirden bastap vaksınasıalaýǵa jatatyn adamdardyń sanattary keńeıtildi. Kestelerdi jergilikti atqarýshy organdar jasaıdy. Búgingi tańda birinshi komponent 435 myń azamatqa egildi, ekinshi komponent 107 myńnan astam qazaqstandyq egildi, – dedi Densaýlyq saqtaý birinshi vıse-mınıstri.

Onyń aıtýynsha, sáýir aıynyń basynan bastap óńirlerge "Spýtnık V" vaksınasynyń 923 myńnan astam dozasy jetkizilgen.  

– Sáýir aıynyń sońyna deıin 910 myń doza, basqa óndirýshilerdiń 500 myń dozasy jáne 25 myń "QazVac" vaksınasyn jetkizý josparlanýda. Bul eldiń shamamen 2 mln  azamatyn vaksınasıalaýǵa múmkindik beredi, – dedi M. Shoranov.