Mas kúıinde janjal shyǵarǵan SHQO Mádenıet basqarmasynyń basshysy Mıras Jumaǵulov qyzmetten bosatyldy. Bul týraly memlekettik qyzmet isteri agenttiginiń Shyǵys Qazaqstan oblysy boıynsha departamentiniń habarlamasynda aıtyldy.
"Óńirlik memlekettik qyzmettiń Shyǵys Qazaqstan oblysy boıynsha departamentiniń usynysynan keıin Shyǵys Qazaqstan oblysynyń ákimi Danıal Ahmetov oblystyq mádenıet basqarmasynyń bastyǵy Mıras Jumaǵulovty qyzmetinen bosatý týraly sheshim qabyldady. Tıisti buıryq 2021 jyly 13 sáýirde shyǵaryldy" delingen Memlekettik qyzmet isteri agenttiginiń Shyǵys Qazaqstan oblysy boıynsha departamentiniń habarlamasynda.
Buǵan deıin mádenıet basqarmasynyń basshysy Óskemendegi karaokelerdiń birinde Anastasıa esimdi boıjetkenmen sóılesip, ekeýi Jumaǵulovtyń úıine barýǵa keliskeni, alaıda úıge kireberiste boıjetken ishki kirýden bas tartyp, Jumaǵulovpen janjaldasqany habarlanǵan. Qoryqqan bıke polısıa shaqyrmaq bolǵanda, Jumaǵulov onyń telefonyn tartyp alǵan.
Bolǵan jaıtty kórgen kórshiler polısıa shaqyrǵan. Polısıa kóshede alkogóldik sýsyn ishkeni, mas jaǵdaıda qoǵamdyq orynda júrgeni úshin oqıǵanyń eki qatysýshysyna hattama toltyrǵan.
Ratel.kz saıty Jumaǵulovpen sózge kelip qalǵan boıjetken de Shyǵys Qazaqstan oblysy ákimdiginiń qyzmetkeri ekenin habarlaǵan.
