"Qol qoıýǵa jiberiledi". Áshimbaev Toqaevqa birqatar mańyzdy málimet habarlady

/image/2021/04/14/crop-73_1_1054x1406_mycollages-63.jpg

Memleket basshysy parlament senatynyń tóraǵasy Máýlen Áshimbaevty qabyldady, dep habarlady Aqorda saıty.

Saıt málimetinshe, senat tóraǵasy prezıdentke parlamenttiń joǵarǵy palatasynyń zań shyǵarýshylyq qyzmeti týraly málimet bergen.

Máýlen Áshimbaev senattyń qaraýynda jatqan zań jobalary jóninde habarlady. Olardyń ishinde memleket basshysynyń bastamasymen engizilgen jer qatynastaryn retteıtin túzetýler de bar.

Spıker májilis maquldaǵan zań jobasy osy aıdyń aıaǵyna deıin senattyń otyrysyna engiziletinin, sodan keıin qujat prezıdentke qol qoıýǵa jiberiletinin aıtty. 

Al saılaý zańnamasyna engiziletin ózgeristerdi senatorlar májilistiń qaraýynan ótýin kútip otyrǵany habarlandy. Máýlen Áshimbaevtyń aıtýynsha, senat bul máseleni mamyr aıynyń birinshi onkúndiginde  qarap, tıisti zań jobasyn qabyldaýdy josparlap otyr.

Qatysty tegter :

Qatysty Maqalalar