Qazaqstannyń eńbek sińirgen qaıratkeri Nurıkamal Seıitjanqyzy dúnıeden ótti. Bul týraly Newsmakers.kz Telegram kanaly habarlady.

Nurıkamal Seıitjanqyzy 1949 jyly 12 naýryzda Aqmola oblysy Derjavın aýdanynyń Bratolúbovka aýylynda týǵan. 

Selınograd pedagogıkalyq ınstıtýtynyń fılologıa fakúltetin (1972) orys tili men ádebıetiniń muǵalimi mamandyǵy boıynsha, KOKP OK janyndaǵy qoǵamdyq ǵylymdar akademıasyn (1987) ıdeologıalyq jumystyń teorıasy men tájirıbesi mamandyǵy boıynsha bitirgen.

Eńbek jolyn "Rostovskıı" keńsharynda jumysshy retinde bastaǵan.

Torǵaı mádenıet basqarmasynyń bastyǵy, Qazaqstan halqy kishi assambleıasynyń atqarýshy hatshysy, Kóksheteý qalalyq Aqparat jáne qoǵamdyq kelisim basqarmasynyń bastyǵy, Aqmola oblysy Mádenıet basqarmasynyń bastyǵy qyzmetterin atqarǵan.

El arasynda keń tanylǵan "Nýrıkamal" ániniń keıipkeri.