Almatyda óltirilgen Aıajan Edilova myrysh tabytqa jerlendi. Bul týraly NeMolchiKz qorynyń negizin qalaýshy Dına Tańsari habarlady. 

– Kóńildi, belsendi, maqsatty, eńbekqor qyz 20 naýryzǵa qaraǵan túni kisi óltirýshiniń qurbany boldy. Týystary Aıajan denesiniń qaldyqtaryn myrysh tabytqa jerledi. Orny tolmas qaıǵy, ımandy bolsyn, – dedi Dına Tańsari óziniń Facebook paraqshasynda. 

Buǵan deıin 19 naýryzda Almatyda 19 jastaǵy Aıajan Edilova joǵalyp ketkeni habarlanǵan. 22 naýryzda kisi qolynan qaza tapqany belgili boldy. Polısıa "Adam óltirý" baby boıynsha tergeý bastap, bul is boıynsha Túrkistan oblysynyń 1993 jyly týylǵan turǵyny qamaýǵa alyndy.

Aıajannyń týystary ony erekshe qatygezdikpen óltirilgenin málimdegen bolatyn.