Prezıdent Qasym-Jomart Toqaev kórnekti aqyn Esenǵalı Raýshanovtyń qazasyna baılanysty onyń otbasyna kóńil aıtty.

Bul týraly memleket basshysynyń baspasóz hatshysy Berik Ýálı áleýmettik jelidegi paraqshasynda habarlady.

"Esenǵalı Ábdijapparuly birqatar gazet-jýrnaldarda qyzmet jasap, rýhanı-mádenı salanyń órkendeýine úles qosty. Shırek ǵasyrdaı ýaqyt boıy "Jazýshy" baspasynyń dırektory bolyp, qazaq ádebıetiniń qundy dúnıeleriniń jaryqqa shyǵyp, halyqqa keń taralýy jolynda mol eńbek sińirdi.

Aqyn retinde qazaq poezıasynda ózindik qoltańbasyn qaldyrdy. Ór rýhty óleńderi men poemalary oqyrmandar tarapynan joǵary baǵasyn aldy. Marqumnyń jany jánnatta, ımany salamat bolsyn, – delingen jedelhatta.